تزكرتك

موضوع: تزكرتك الجمعة نوفمبر 14, 2008 4:24 am

تذكرتك وانا الطير الجريـح مفـارق الخـلان..
ونار البعد وفراقـك تعـل اقصـى شراينـي..
حبيبي لرحت عني وانت لاراضي ولا زعـلان..
تذكرتك عـذاب ولونسيتـك منـت ناسينـي؟؟
ابي اعرف في غيابك ليه شوقي يمتلي دخـان..
واحس اني لحالي واقرب اصحابي حوالينـي ..
رحت وغابت الفرحه ورى ليل من الحرمـان..
ورجعت لصوتك اللي كان يملا الكون يدعينـي..
اثر نار الجفا صلفه دخيلـك ياعظيـم الشـان..
انا ماعادلي شـوف علـى الفرقـى يقدينـي...
بعدفرقاك عشت الجرح عمر العاشق الشفقان ...
على بـاب العمـر لامرلـك طـاري يبكينـي..
تعرف انك بقلبي وادري انك لشوفتي ولهـان..
حبيبـي ليـه تقتـل حبنـا مادمـت تغلينـي..
تخفي لوعتك عني تصـد وتبـدي النسيـان..
وتفضح نظرتك خافي حنينك لـو تراعينـي...
حبيبي تعبت عيوني السهر من عاشق سهران..
تعبت وطال بعـدك والعمـر ماعـاد يمدينـي..
غرب ضي الامل قبل الشروق وسادت الاحزان.
دروب العمرتسرق فرحتي والحـزن يطوينـي..
انا مثل الغريق وطاري الذكرى كما الطوفـان..
تزيدالجـرح فـي قلبـي وتبعدنـي وتدنينـي..
تعبت ومركبي مل السفر وضاقت به الشطـآن.
ولالي غيـر حبـك ساحـل يمكـن يرسينـي..
حصدت الدمع محصول الفراق ولوعة الهجـران
ا لامني ذكرتك غـرق كفوفـي مطـر عينـي..
سحابك يامشاش الملح مايفرح بـه العطشـان..
اموت من الظما والاشربتـك منـت مجدينـي..
ينابيعك تفجـر مـن عيونـي كنهـا بركـان..
توطي عزتـي تختـال مـن جفنـي لكفينـي..
بعدماغرق عمري فالحزن ضاقت بـي البلـدان.
وشفت الموت في كل الدروب وقلت انا وينـي..
انا مليـت مليـت العـذاب وقلبـي المليـان..
بهم صاب من هجر الحبايـب مقتـل سنينـي..
يأست من الفرح في موسم فيه الامل كسـلان..
رفعت الرايه البيضالحزنـي وارتمـي فينـي..
وعرفت اني بعد فوت الاوان العاشق الخسران..
ودريت ان اصدق وعودالهوا ماعاد تروينـي..
رجعت بحسرتي كلي جروح مكسـر الجنحـان..
وسال الجرح دم وشفت وجهك في شرايني.....

اتمنى ان تروق لكم احــــــــبــــــــتي تزكرتك 002